Ижтимоий тармоқларда Тошкент метрополитени бекатларидан бирига тобут кўринишидаги ўриндиқлар ўрнатилгани кенг муҳокамаларга сабаб бўлмоқда. Метрополитен мазкур ҳолатга муносабат билдирди.
«Мен бироз қўрқиб кетдим. ‘Олмазор’ метро станцияси. Ёки Ол-Мозор», — деб ёзади тармоқ фойдаланувчиларидан бири.
Маълум қилинишича, Тошкент метрополитенининг «Олмазор» бекатидаги ўриндиқлар 2020 йилнинг декабрь ойида ўрнатилган бўлиб, дизайни оддий услубда яратилган. Таъкидланишича, ушбу ўриндиқлар ҳеч қандай рамзий маънога эга эмас.
«Шу ўринда фуқаролардан ноўрин хулосаларга келмасликларини сўраймиз. Жумладан, кутиш ўриндиқлари махсус тарзда икки томонлама очиқ қилиб жойлаштирилган», — дейилади муносабатда.
Изоҳ (0)