Андижон ва Сирдарё вилоятларида фуқароларнинг ўқишини кўчириб бериш билан боғлиқ фирибгарлик ҳолатлари аниқланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департамент ҳамда ДХХнинг Андижон вилоят бошқармалари томонидан тадбир ўтказилган. Унда Тошкент давлат транспорт университети талабаси И.Т. фуқаро А.нинг қўшни Қирғизистон Ўш миллий университетидаги ўқишини 4,5 минг доллар эвазига Тошкент тиббиёт академиясига кўчириб беришни ваъда қилгани аниқланган. У келишилган пулдан 2,5 минг долларини олган вақтида ашёвий далиллар билан ушланган.
Шунингдек, департаментнинг Мирзаобод туман бўлими томонидан терговга қадар текширув ўтказилган. Унда фуқаро Ш.Б. фуқаро А.нинг ўқишини танишлари орқали Ўзбек—Қирғиз университетидан Тошкент тиббиёт академиясига кўчириб бериш эвазига 2 минг доллар олгани аниқланган. У фирибгарлик йўли билан қўлга киритган пулидан қайтарган 500 доллари ашёвий далил сифатида олинган.
Ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилган. Ҳозирда тергов ҳаракатлари ўтказилмоқда.
Мавзуга доир:
- Тошкентда 7 млн сўм эвазига фуқарони ўқишини хориждан кўчиртириб беришини ваъда қилган шахс ушланди
- Наманганда фуқарони ДТМдаги танишлари орқали ўқишга киритиб қўйиш учун 7 минг доллар олган шахс ушланди
- Тошкентда фуқаронинг Қирғизистондаги ўқишини 8 минг доллар эвазига Тошкент тиббиёт академиясига кўчириб беришни ваъда қилган шахс ушланди
Изоҳ (0)