Тошкент шаҳри Учтепа туманида суғурта полислари пулини ўзлаштирган собиқ директор ва унинг шериги аниқланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Учтепа туман бўлими томонидан тадбиркорлик субъектларини ҳимоя қилиш юзасидан терговга қадар текширув ўтказилган. Унда «Ҳ.С.» АЖ Тошкент вилояти филиалининг собиқ директори М.О. ва суғурта агенти С.И. қатъий ҳисобда турувчи умумий қиймати 725,3 миллион сўмлик 7 775 дона суғурта полисини мижозларга сотиб, савдодан тушган нақд пул маблағларни талон-торож қилгани аниқланган.
Шунингдек, мазкур суғурта полисларидан 14 таси йўл ҳаракати ҳодисаси содир этилганидан кейин расмийлаштирилиб, фуқароларга жами 315,4 миллион сўм суғурта қопламаси ноқонуний тўлаб берилган. Бунинг натижасида жамият манфаатларига жами 1 миллиард 40,7 миллион сўм зарар етказилган.
Ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Тошкентда кредит қарздорлигини ёпиш мақсадида сохта тадбиркорлик фаолияти билан шуғулланган фуқаролар аниқланди
- Навоийда ХТВ ва тадбиркорлик субъекти масъуллари спорт анжомларини 787 млн сўм қимматга сотиб олгани аниқланди
- Қибрайда фуқаро ва банк масъул ходими 1 млрд сўм кредит маблағини талон-торож қилди
Изоҳ (0)