Эроннинг Хузистон вилояти Ободон шаҳрида 10 қаватли «Метропол» офис биноси қулаб тушиши оқибатида камида беш киши ҳалок бўлиб, 27 киши жароҳат олди. Бу ҳақда Tasnim агентлиги хабар берган.
Унинг маълумотларига кўра, ҳодиса чоғида «Метропол»да тахминан 150 киши бўлган. Қизил ярим ой жамияти вайроналар остида 80 киши бўлиши мумкинлиги ҳақида хабар бермоқда.
Бино қулаши сабаблари аниқланмоқда, воқеа жойида қутқарувчилар ва тиббиёт ходимлари ишламоқда. Иншоотнинг қолган қисми ҳам вайрон бўлиб кетиши хавфи қутқарув ишларини мураккаблаштирмоқда.
Бино эгаси ва пудратчи қўлга олингани айтилмоқда. Офис маркази яқинда қуриб битказилган. Баъзи маълумотларга кўра эса, қурилиш босқичи ҳали тугалланмаган бўлган.
Қидирув-қутқарув ишларига қутқарув машиналари, вертолёт, қутқарувчи итлар, тез ёрдам бригадалари жалб қилинган.
Изоҳ (0)