2022 йилда энг оммалашган дастурлаш тиллари маълум бўлди

IT Park 2022 йилда қайси дастурлаш тиллари энг машҳур эканлигини маълум қилди.

2021 йил охирида кўплаб нуфузли платформалар йил якунларини сарҳисоб қилиб, кейинги 2022 йил учун тахминий рейтингни тузди. Бу жараён машҳур дастурлаш тиллари мавзусини ҳам четлаб ўтмади. 

Tiobe, GitHub ва IEЕЕ каби учта энг нуфузли тадқиқот платформаларига кўра, энг машҳур дастурлаш тиллари аниқланди.

Биринчи ўрин —  Python

Python машинани ўрганиш ва катта ҳажмли маълумотларда кенг қўлланилади. Бу соҳаларда у ўзини энг яхши воситалардан бири сифатида кўрсатди. У веб-иловаларда ҳам қўлланилади. Python кичик ва ўрта лойиҳалар учун ҳам жуда қулайдир.

Иккинчи ўрин — Javа

Жава асосан backend ва андроид лойиҳаларининг сервер томонида ишлатилади. Дастурчилар айрим ҳолларда Java’даги рамкалар ёрдамида сайтнинг frontend қисмини яратишади. Assassin’s Creed ва Minecraft каби машҳур видео ўйинлар Java’да ёзилган.

Учинчи ўрин — C

Ўйинлар ва иловалар каби амалий дастурлар одатда C дастурлаш тилида ёзилмайди. Лекин у ўрнатилган дастурий таъминот учун жавоб беради. Унинг синтаксиси C++, C#, Java ва Objective-C учун асос бўлган.

Тўртинчи ва бешинчи ўринларни мос равишда C# ва C++ дастурлаш тиллари эгаллаган.

Аввалроқ IT Park резидентлар сони ва экспорт ҳажми кескин ошгани ҳақида хабар берган эди.