Сирдарё вилояти Ховос туманида Lacetti ва Nexia иштирокида йўл-транспорт ҳодисаси содир бўлди, дея хабар бермоқда ЙҲХХ ахборот хизмати.
Маълум қилинишича, 2022 йил 23 май куни соат 12:45 ларда Сирдарё вилояти Ховос тумани ҳудудидан ўтган А-376 автомобиль йўлининг 234-километрида ҳайдовчи Ш.А. бошқарувидаги Lacetti ҳамда ҳайдовчи У.Н. бошқарувидаги Nexia автомобиллари иштирокида тўқнашув содир бўлган.
ЙТҲ оқибатида, Lacetti ҳайдовчиси Ш.А. ва ушбу автомобиль салонида бўлган йўловчи А.А. оғир тан жароҳати олиб воқеа жойида, шунингдек, мазкур автомобиль салонида бўлган яна икки нафар йўловчи – 2016 йилда туғилган Н.А. ва 2019 йилда туғилган Т.А. ҳамда Nexia ҳайдовчиси Н.У. тан жароҳати олиб шифохонада вафот этган.
Nexia автомобилида бўлган йўловчи, 1992 йилда туғилган Т.Ж. тан жароҳати олиб шифохонага ётқизилган.
Мазкур ЙТҲ юзасидан Ховос тумани ИИБ ҳузуридаги ТБ томонидан терговга қадар суриштирув ҳаракатлари олиб борилмоқда.
Изоҳ (0)