IT Park 2022-yilda qaysi dasturlash tillari eng mashhur ekanligini ma’lum qildi.
2021-yil oxirida ko‘plab nufuzli platformalar yil yakunlarini sarhisob qilib, keyingi 2022-yil uchun taxminiy reytingni tuzdi. Bu jarayon mashhur dasturlash tillari mavzusini ham chetlab o‘tmadi.
Tiobe, GitHub va IEEE kabi uchta eng nufuzli tadqiqot platformalariga ko‘ra, eng mashhur dasturlash tillari aniqlandi.
Birinchi o‘rin — Python
Python mashinani o‘rganish va katta hajmli ma’lumotlarda keng qo‘llaniladi. Bu sohalarda u o‘zini eng yaxshi vositalardan biri sifatida ko‘rsatdi. U veb-ilovalarda ham qo‘llaniladi. Python kichik va o‘rta loyihalar uchun ham juda qulaydir.
Ikkinchi o‘rin — Java
Java asosan backend va android loyihalarining server tomonida ishlatiladi. Dasturchilar ayrim hollarda Java’dagi ramkalar yordamida saytning frontend qismini yaratishadi. Assassin’s Creed va Minecraft kabi mashhur video o‘yinlar Java’da yozilgan.
Uchinchi o‘rin — C
O‘yinlar va ilovalar kabi amaliy dasturlar odatda C dasturlash tilida yozilmaydi. Lekin u o‘rnatilgan dasturiy ta’minot uchun javob beradi. Uning sintaksisi C++, C#, Java va Objective-C uchun asos bo‘lgan.
To‘rtinchi va beshinchi o‘rinlarni mos ravishda C# va C++ dasturlash tillari egallagan.
Avvalroq IT Park rezidentlar soni va eksport hajmi keskin oshgani haqida xabar bergan edi.
Izoh (0)