Ўзбекистонда хусусий бизнес ўсиши ва кенгайиши учун жой етишмаяпти, дейди Жаҳон банки таҳлилчилари.
Рақобатбардош устунликка эга бўлган соҳаларда давлат корхоналари устунлик қилади ва давлат томонидан хусусий сектор рақобатидан ҳимояланади.
Тартибга солиш оғир муҳити янги ўсиш имкониятларини чеклайди.
Яқин вақтгача хусусий секторнинг зарур ишлаб чиқариш омиллари, жумладан, ер, меҳнат ва капиталдан фойдаланиш имконияти чекланган эди.
Ҳукумат ўсиш потенциалига эга бўлган, кам сонли иш ўринларини яратадиган, ер ва ишчиларнинг самарасиз тақсимланиши белгиларини кўрсатадиган давлат корхоналарига номутаносиб равишда сармоя киритади. Хусусий сектор учун оқибатлар эса жуда ачинарли бўлди.
Ўзбекистоннинг иш бошлаш кўрсаткичлари минтақадаги боша давлатлар ва аҳоли жон бошига тўғри келадиган даромад даражаси ўхшаш мамлакатлар билан солиштирганда энг паст кўрсаткичлар қаторига киради.
Бунинг оқибатида ишсизлик даражаси юқори, хусусий фирмалар эса номутаносиб равишда кичиклигича қолмоқда. Давлат хусусий бизнес ва фуқароларнинг эҳтиёжларини ҳисобга олмасдан, сармоя киритади.
Мамлакатда иқтисодий ўсиш йўлидаги ушбу тўсиқларни бартараф этиш давлат корхоналари сонини сезиларли даражада қисқартиришни, давлат корхоналарида бошқарув жараёнларини такомиллаштиришни, шунингдек, давлат корхоналарини бозор рақобати шароитидаги иш шароитларига мослаштиришни тақозо этади.
Давлатнинг етакчи роли ўрнига хусусий секторнинг етакчи роли билан ўсиш моделига ўтиш зарур, дейди экспертлар.
Изоҳ (0)