Ахборот технологиялари ва коммуникацияларини ривожлантириш вазири Шерзод Шерматов SAP компанияси вакиллари билан учрашди. Бу ҳақда вазирлик матбуот хизмати хабар берди.
Жумладан, компания иштирокида кадрлар малакасини ошириш, соҳага инвестицияларни жалб қилиш, янги телекоммуникация технологиялари ва хизматларини жорий этиш масалаларига эътибор қаратилди.
Бундан ташқари, Шерзод Шерматов компанияга Ўзбекистонда минтақавий офисини очишни таклиф қилди. SAP бунга қандай жавоб бергани ҳақида хабар берилмаган.
SAP — 1972 йилда Германияда ташкил этилган, дунёдаги ташкилотлар учун дастурий таъминот ишлаб чиқарувчилардан бири. Компания корхоналарнинг ички жараёнлари учун автоматлаштирилган бошқарув тизимларини ишлаб чиқаради: бухгалтерия ҳисоби, савдо, ишлаб чиқариш, молия, ходимларни, омборларни бошқариш ва ҳоказо.
Аввалроқ Ўзбекистон Cisco’га ўз ваколатхонасини очиш ва масофавий хизматларни кенгайтиришни таклиф қилгани ҳақида хабар берилган эди.
Изоҳ (0)