«ПСЖ» ҳужумчиси Килиан Мбаппе Лига 1 нинг 2021/22 йилги мавсум энг яхши футболчиси деб топилди.
Бу ҳақида Франция чемпионати матбуот хизмати маълум қилди. Мбаппе кетма-кет 3 марта энг яхши футболчи номига сазовор бўлди. Килиандан ташқари Виссам бен-Йеддер ва Мартен Терье ушбу соврин учун кураш олиб борганди.
23 ёшли ҳужумчи 2021/22 йилги мавсум «ПСЖ» сафида барча мусобақаларда 45 та ўйинда майдонга тушиб, 36 та гол ва 26 та голли узатмага муаллифлик қилди. 30 июнь куни Мбаппенинг парижликлар билан шартномаси ўз ниҳоясига етади ва у эркин агентга айланади.
Аввалроқ Килиан Мбаппе ЕЧЛ финалига қадар келажаги борасидаги қарорни эълон қилиши хабар қилинганди.
Изоҳ (0)