«Айнтрахт» Европа Лигаси финалида «Рейнжерс»ни пенальтилар сериясида мағлуб этиб, чемпионга айланди.
Оливер Гласнер шогирдлари Европа Лигасида бирорта ўйинда мағлубиятга учрамасдан ғалаба қозонди. Бу мусобақа тарихидаги учинчи натижа ҳисобланади. Франкфуртликлардан олдин «Вильярреал» (2020/21 йилги мавсум) ва «Челси» (2018/19 йилги мавсум) ушбу натижани қайд этган.
Немис клуби Европа Лигаси ғолиб сифатида 2022/23 йилги Чемпионлар Лигасига йўлланмани қўлга киритди. «Айнтрахт» ўз тарихида илк бор ЕЧЛда иштирок этади.
Қайд этиб ўтиш жоиз, «Айнтрахт» Европа Чемпионлар Кубогида иштирок этган ва ҳатто 1959/60 йилги мавсумда финалга қадар етиб борган. Ҳал қилувчи баҳсда «Реал»га имкониятни бой берган. Мусобақа 1992/93 йилги мавсумдан Чемпионлар Лигаси номини олгандан буён немислар илк бор иштирок этиш ҳуқуқини қўлга киритди.
«Айнтрахт» 42 йилдан сўнг Еврокубокларда ғалаба қозонди. Аввалроқ Франкфурт жамаоси УЕФА Кубоги (1980) ва Интертото Кубогини (1967) қўлга киритган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)