Brent маркали нефть нархи 25 мартдан бери илк бор баррель учун 115 доллардан ошди.
Бир кун аввал Европа Иттифоқи мамлакатлари ташқи ишлар вазирлари Россияга қарши санкцияларнинг олтинчи пакети бўйича келиша олмаганди.
Келишмовчиликлар Россия нефтига эмбарго жорий этилиши билан боғлиқ. Хусусан, Венгрия бунга қарши.
Еврокомиссия раҳбари Урсула фон дер Ляеннинг айтишича, Европа олти ой ичида Россия хом нефтидан, 2022 йил охиригача эса нефть маҳсулотлари импортидан воз кечиши кутилмоқда.
Нефтьнинг жаҳон нархлари Ўзбекистонга қандай таъсир қилади?
Жаҳон бозорида нефть маҳсулотларининг ошиши Ўзбекистонда ҳам бензин нархининг бироз қимматлашишига олиб келиши мумкин.
Энг кучли таъсир импорт хом ашёсидан ишлаб чиқариладиган Аи-91, Аи-92, Аи-95 маркаларидаги бензинга нисбатан кузатилади.
2021 йилнинг октябрь ойида бўлган ҳисоб-китоблар:
Ўшандан бери кўп нарса ўзгарди. Бир баррель нархи жадвалда кўрсатилгандек 80 доллар эмас, балки 115 долларга баҳоланмоқда. АҚШ доллари 10 677 сўм эмас, балки 11 150 сўм бўлган. Буларнинг барчаси якуний кўрсаткичларга таъсир қилади.
Вазирликда таъкидлашларича, Аи-90 маркасидаги бензин асосий истеъмолдаги (78 фоиздан кўпроқ) маҳсулот бўлиб, бутун дунёдаги вазиятга қарамасдан, аҳолини ижтимоий муҳофаза қилиш мақсадида «Ўзбекнефтгаз» компанияси томонидан нархлар сақлаб қолинган эди.
Иқтисодиётни либераллаштириш доирасида давлат томонидан бензин нархлари туширилди. 2018 йили Аи-91 бўйича, 2020 йилнинг 1 майидан эса Аи-80 бўйича нархлар ўзгартирилиши тўхтатилди. Эндиликда барча бензин маркалари биржа орқали бозор нархида сотилмоқда.
Изоҳ (0)