Brent markali neft narxi 25-martdan beri ilk bor barrel uchun 115 dollardan oshdi.
Bir kun avval Yevropa Ittifoqi mamlakatlari tashqi ishlar vazirlari Rossiyaga qarshi sanksiyalarning oltinchi paketi bo‘yicha kelisha olmagandi.
Kelishmovchiliklar Rossiya neftiga embargo joriy etilishi bilan bog‘liq. Xususan, Vengriya bunga qarshi.
Yevrokomissiya rahbari Ursula fon der Lyayenning aytishicha, Yevropa olti oy ichida Rossiya xom neftidan, 2022-yil oxirigacha esa neft mahsulotlari importidan voz kechishi kutilmoqda.
Neftning jahon narxlari O‘zbekistonga qanday ta’sir qiladi?
Jahon bozorida neft mahsulotlarining oshishi O‘zbekistonda ham benzin narxining biroz qimmatlashishiga olib kelishi mumkin.
Eng kuchli ta’sir import xomashyosidan ishlab chiqariladigan Ai-91, Ai-92, Ai-95 markalaridagi benzinga nisbatan kuzatiladi.
2021-yilning oktabr oyida bo‘lgan hisob-kitoblar:
O‘shandan beri ko‘p narsa o‘zgardi. Bir barrel narxi jadvalda ko‘rsatilgandek 80 dollar emas, balki 115 dollarga baholanmoqda. AQSH dollari 10 677 so‘m emas, balki 11 150 so‘m bo‘lgan. Bularning barchasi yakuniy ko‘rsatkichlarga ta’sir qiladi.
Vazirlikda ta’kidlashlaricha, Ai-90 markasidagi benzin asosiy iste’moldagi (78 foizdan ko‘proq) mahsulot bo‘lib, butun dunyodagi vaziyatga qaramasdan, aholini ijtimoiy muhofaza qilish maqsadida “O‘zbekneftgaz” kompaniyasi tomonidan narxlar saqlab qolingan edi.
Iqtisodiyotni liberallashtirish doirasida davlat tomonidan benzin narxlari tushirildi. 2018-yili Ai-91 bo‘yicha, 2020-yilning 1-mayidan esa Ai-80 bo‘yicha narxlar o‘zgartirilishi to‘xtatildi. Endilikda barcha benzin markalari birja orqali bozor narxida sotilmoqda.
Izoh (0)