Сурхондарё вилоятининг Бандихон туманида ўқувчисини калтаклаган ўқитувчи иши вилоят прокуратураси назоратига олинди. Бу ҳақда Бош прокуратура ахборот хизмати раҳбари Ҳаёт Шамсутдинов хабар берди.
Аниқланишича, 2022 йилнинг 22 апрель куни Бандихон туманидаги 4-мактабнинг инглиз тили фани ўқитувчиси 9-синф ўқувчиси дарс машғулотларига тайёргарлик кўрмасдан келгани учун уни урган.
«Ҳолат юзасидан Бандихон тумани ИИБ томонидан терговга қадар текширув ҳаракатлари бошланди. Текшириш доирасида ўқитувчининг хатти-ҳаракатлари юзасидан хизмат текшируви тайинланди. Текширув ҳаракатлари Сурхондарё вилояти прокуратураси томонидан алоҳида назоратга олинган», — дейилади расмий ахборотда.
Эслатиб ўтамиз, «Дарё»нинг бу ҳақдаги сўровига жавоб берган вилоят халқ таълими бошқармаси ахборот хизмати воқеа иштирокчиси бўлган ўқитувчи ва мактаб директори туман ИИБга олиб кетилганини билдирганди.
Мавзуга доир:
Изоҳ (0)