Абдурасул Абдураҳманов Сурхондарё вилояти ҳокимининг жамоат ва диний ташкилотлар билан алоқалар бўйича ўринбосари лавозимида иш бошлади. Бу ҳақда вилоят ҳокимлиги матбуот хизмати хабар берди.
Абдурасул Абдураҳманов 1990 йил Наманган вилояти Чортоқ туманида туғилган. 2012 йилда Давлат хавфсизлик хизмати институтини тамомлаган. Маълумоти бўйича мутахассислиги – юриспруденсия, ҳуқуқшунос.
Абдураҳманов меҳнат фаолияти давомида Давлат хавфсизлик хизмати идоралари офицерлари таркибида ҳарбий хизматда меҳнат қилган. Мазкур лавозимга тайинлангунга қадар 2019 йилдан Давлат хавфсизлик хизмати Сурхондарё вилояти бўйича бошқармаси Тезкор бўлинма бошлиғи вазифасида фаолият юритаётган эди.
Аввалроқ Сурхондарё вилояти ҳокимининг жамоат ва диний ташкилотлар билан алоқалар бўйича ўринбосари Баҳодир Қодиров Самарқанд вилояти ҳокимига ўринбосар этиб тайинлангани тўғрисида хабар берилганди.
Изоҳ (0)