Surxondaryo viloyatining Bandixon tumanida o‘quvchisini kaltaklagan o‘qituvchi ishi viloyat prokuraturasi nazoratiga olindi. Bu haqda Bosh prokuratura axborot xizmati rahbari Hayot Shamsutdinov xabar berdi.
Aniqlanishicha, 2022-yilning 22-aprel kuni Bandixon tumanidagi 4-maktabning ingliz tili fani o‘qituvchisi 9-sinf o‘quvchisi dars mashg‘ulotlariga tayyorgarlik ko‘rmasdan kelgani uchun uni urgan.
“Holat yuzasidan Bandixon tumani IIB tomonidan tergovga qadar tekshiruv harakatlari boshlandi. Tekshirish doirasida o‘qituvchining xatti-harakatlari yuzasidan xizmat tekshiruvi tayinlandi. Tekshiruv harakatlari Surxondaryo viloyati prokuraturasi tomonidan alohida nazoratga olingan”, — deyiladi rasmiy axborotda.
Eslatib o‘tamiz, “Daryo”ning bu haqdagi so‘roviga javob bergan viloyat xalq ta’limi boshqarmasi axborot xizmati voqea ishtirokchisi bo‘lgan o‘qituvchi va maktab direktori tuman IIBga olib ketilganini bildirgandi.
Mavzuga doir:
- Andijonda o‘qituvchi darsga kechikkan o‘quvchini ariq suvi ichirib jazoladi
- Sirdaryoda o‘qituvchi va maktab direktori o‘rinbosarini kaltaklagan shaxslarga 3 sutka qamoq jazosi tayinlandi
- Samarqandda imtihonga kelmagan o‘quvchiga tanbeh bergan direktor o‘rinbosari uning yaqinlari tomonidan kaltaklandi
Izoh (0)