Франциянинг Renault концерни Россияни тарк этди. Бу ҳақда компания матбуот хизмати хабар берди.
Renault икки корхонадаги улушларини кейинги олти йил ичида қайтариш имконияти билан сотди.
Бу Ўзбекистонга қандай таъсир қилади?
Тўғридан-тўғри. 2021 йилдан бери ADM Jizzakh заводида Renault автомобиллари ишлаб чиқарилади.
Бироқ бу йирик узелли йиғишдир – автомобиллар учун асосий қисмлар «Рено Россия» заводида ишлаб чиқарилар эди. Энди эса бу завод Москва ҳукуматига тегишли ва у ерда «Москвич» автомобиллари ишлаб чиқарилади.
Renault’нинг Ўзбекистондаги ҳамкори бўлган Roodell компанияси хабарга ҳозирча изоҳ бермади, бироқ «Дарё» суҳбатлашган экспертларнинг фикрича, компанияда бир нечта вариант бор:
- Асосий қисмларни бошқа заводлардан этказиб беришни ташкил қилиш.
- Ўзбекистонда тўлиқ циклли ишлаб чиқаришни йўлга қўйиш.
- Renault лойиҳасини тўхтатиш.
«Дарё» Roodell’га сўров юборди ва жавоб кутмоқда.
Аввалроқ Renault Россияда ишлаб чиқаришни тўхтатгани ҳақида хабар берилган эди.
Изоҳ (0)