Италия Сенати, Мудофаа вазирлиги ва бошқа бир қанча муассасалар сайтлари хакерлар ҳужумига учради. Бу ҳақда АНСА агентлиги ва Ил Мессаггеро газетаси хабар бермоқда.
Нашрлар хабарига кўра, 11 май оқшомида содир бўлган киберҳужум учун жавобгарликни Россияга алоқадор бўлган Киллнет гуруҳининг хакерлари ўз зиммасига олган. «Италияга ҳужум» ҳақидаги баёнот хакерларнинг Telegram-каналида эълон қилинган.
Reuters хабарига кўра, Италия Сенати ва Соғлиқни сақлаш институти сайтлари тахминан бир соат давомида ишламаган, кейин қайта ишга тушган.
Сенат спикери Мария Элизабетта Казеллати, ҳужум ҳеч қандай зарар келтирмаганини билдирди. Шу билан бирга, у воқеанинг жиддийлигини таъкидлаб, буни эътибордан четда қолдирмаслик лозимлигини айтди. Ўз навбатида, Италия Мудофаа вазирлиги идора веб-сайтига кириш «анчадан бери режалаштирилган техник ишлар туфайли» вақтинча чекланганини маълум қилди.
Изоҳ (0)