Таиланд ҳукумати июнь ойида аҳолига уй шароитида етиштириш учун бир миллион туп каннабисни бепул тарқатади. Бу ҳақда қироллик соғлиқни сақлаш вазири Анутин Чарнвиракул баёнотига таяниб, CNN хабар берди.
Меҳнатга лаёқатли аҳолининг учдан бир қисми қишлоқ хўжалиги билан шуғулланадиган Таиландда ҳукумат даромад манбаи сифатида каннабис етиштиришни фаол тарғиб қилмоқда, деб таъкидлайди CNN. Соғлиқни сақлаш вазирининг сўзларига кўра, марихуана ва каноп етиштириш аҳолига ва мамлакат бюджетига йилига 10 миллиард бат (тахминан 288 миллион АҚШ доллари) дан ортиқ қўшимча даромад келтириши мумкин.
Таиланд 2018 йилда тиббий марихуанани қонунийлаштирган Жануби-Шарқий Осиёдаги биринчи давлат бўлди. Таиландда марихуанани вақтичоғлик мақсадида ишлатиш ва сотиш ҳануз ноқонуний ҳисобланади ва бу узоқ муддатли қамоқ жазоси билан жазоланади.
Изоҳ (0)