Украинадаги урушнинг 77-куни ўтди. Мариуполда «Азовсталь» учун жанглар давом этмоқда: Украина Россияга ярадор украиналик аскарларни россиялик ҳарбий асирларга алмаштиришни таклиф қилди, бироқ ҳозирча жавоб олмади. Херсон вилоятининг «янги маъмурияти» Владимир Путиндан ҳудудни Россияга қўшиб олишни сўраш ниятида. Россиянинг Белгород вилояти губернатори Вячеслав Гладковнинг сўзларига кўра, Солохи қишлоғи Украина томонидан ўққа тутилган: бир киши ҳалок бўлган, етти киши яраланган. Уруш бошланганидан бери биринчи марта Украина Миллий гвардияси ўз йўқотишларини ошкор қилди: 501 киши ҳалок бўлган, 1697 киши яраланган. Meduza урушга оид 11 май суратларини жамлади.
Мариупол
«Азовсталь»даги портлаш. Украина Россияга заводда қамалда қолаётган ярадор украиналик аскарларни россиялик ҳарбий асирларга алмаштиришни таклиф қилди, бироқ Москва ҳозирча бу таклифга жавоб бермади.Фото: Reuters
Телефонларни зарядлаш пунктида смартфонини томоша қилаётган қизчалар. Мариуполдан тинч аҳоли ва украиналик ҳарбийларнинг эвакуациясини талаб қилувчи петиция қарийб 1,3 миллионта имзо тўплади.Фото: Reuters
Донбасс шимоли
Черкасское посёлкасида ишчилар портлашдан кейин қолган вайроналарни кўздан кечирмоқда. Донецк вилояти маъмурияти раҳбари Павел Кириленконинг айтишича, уруш бошидан бери вилоятда жами 352 киши ҳалок бўлган. Бу маълумотларга рус армияси томонидан ишғол қилинган Волноваха ва Мариуполдаги қурбонлар сони кирмайди.Фото: AFP
Приволе қишлоғида ёниб кетган машиналар.Фото: AFP
Лиман шаҳри яқинида эвакуация автобусида кетаётган одамлар ва ит. Украина Қуролли кучлари Бош штаби маълумотларига кўра, Россия қўшинлари шаҳарга яқинлашмоқда.Фото: AP Photo
Украина ҳарбийлари Славянск яқинидаги зенит-ракета мажмуаси ёнида. 11 май куни АҚШнинг Украинага ёрдам учун қўшимча 40 миллиард доллар ажратиши маълум бўлди.Фото: AFP
Киев вилояти
Украиналик шифокорлар Киев ғарбидаги Заваловка қишлоғида эксгумация қилинган россиялик аскарнинг жасадини олиб кетмоқда. Шу кунгача Украинада 230 га яқин ҳалок бўлган россиялик аскарлар тупроқ остидан қазиб олинган. Аксарият жасадлар Киев чеккасидан топилган.Фото: AFP
Харьков вилояти
Харьков чеккасидаги Северная Салтовка туманида ракета зарбасидан зарар кўрган бинолар. 10 май куни Украина Мудофаа вазирлиги Украина Қуролли кучлари Россия қўшинларини минтақа чегарасига сиқиб чиқаргани ҳақида хабар берди.Фото: EPA
Изоҳ (0)