УЕФА Еврокубоклар янги форматга ўтказилишини маълум қилди. Янги форматда «швэтсарча тизим»дан фойдаланилади.
Чемпионлар Лигасида иштирок этувчи жамоалар сони 32 тадан 36 тага оширилади. Қўшимча тўрт йўлланмадан бири Европанинг энг кучли 5-чемпионатида 3-ўринни қўлга киритган жамоага тегади. Яна бири чемпионлар йўли саралаш босқичидан муваффақиятли ўтган клубга насиб этади. Қолган иккитаси эса ўтган мавсум Еврокубкларда энг яхши натижа қайд этган лига жамоаларига берилади.
Барча жамоалар битта жадвалга жойлаштирилади. Ҳар бир жамоа саккизта турли рақибга қарши баҳс олиб боради (4 та уй, 4 та сафар ўйини).
Дастлабки 8 та ўринни эгаллаган жамоа автоматик равишда 1/8 финал босқичига йўл олади. 9—24-ўрин эгалари эса иккита ўйиндан иборат плей-офф босқичида иштирок этади ва ундан мувафаққиятли ўтган яна 8 клуб нимчорак финалга чиқади.
Европа Лигаси (гуруҳ босқичида 8 та ўйин) ва Конференциялар Лигаси (6 та ўйин) ҳам худди шу форматда ўтказилади. Янги формат 2024/25 йилги мавсумдан бошлаб жорий этилади.
Аввалроқ УЕФА Чемпионлар Лигаси плей-офф босқичида тўрт финалчи форматини жорий этмоқчи экани хабар қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)