Футбол бўйича Испания Ла Лигасининг 36-турида «Барселона» 10 май, сешанба куни «Сельта» билан баҳс олиб борди.
«Камп Ноу»да ўтган баҳсда жамоалар умумий ҳисобда 4 та гол уришнинг уддасидан чиқди. 30-дақиқада Мемфис Депай Усмон Дембеленинг узатмасини голга айлантирди. Биринчи бўлим якунига келиб, Пьер-Эмерик Обамеянг орадаги фарқни оширди.
Иккинчи бўлим аввалида Обамеянг дублни расмийлаштирди. Ушбу вазиятда унга Дембеле ассистентлик вазифасини бажариб берди. Усмон учун бу ўйиндаги иккинчи голли узатма бўлди. 50-дақиқада Яго Аспас ҳисобни қисқартиришга муваффақ бўлди — 3:1.
Шу тариқа «Барселона» ўз майдонида кечган ўйинда ғалаба қозониб, очколари сонини 72 тага етказиб олди. Жамоа мусобақа жадвалида 2-ўринда бормоқда.
Қайд этиш керак, учрашув 104 дақиқа давом этди. 62-дақиқада Роналд Араухо жамоадоши Гави тўқнашиб кетди ва ҳушини йўқотди. Шундан сўнг футболчини тез ёрдам машинаси олиб кетди.
Ла Лига
36-тур баҳси
10 май, сешанба
«Барселона» – «Сельта» 3:1
Голлар: 1:0 – 30 Депай, 2:0 – 41 Обамеянг, 3:0 – 48 Обамеянг, 3:1 – 50 Аспас.«Барселона»: тер Стеген, Дани Алвес (Мингеса, 89), Араухо (Лангле, 68), Эрик Гарсия, Альба, де Йонг, Гави, Обамеянг (де Йонг, 84), Депай (Фати, 64), Дембеле, Ферран Торрес (Пуч, 46).
«Сельта»: Дитуро, Васкес (Мурильо, 46), Араухо, Айду, Галан, Денис Суарес (Фонтан, 90), Мендес, Серви (Солари, 90), Бельтран (Вейга, 90), Аспас, Гальярдо (Тапия, 60).
Огоҳлантиришлар: Эрик Гарсия (80), де Йонг (90), Альба (90).
Четлатиш: Мурильо (58).
Изоҳ (0)