Сурхондарё вилоятининг Шўрчи туманидаги уч қаватли савдо марказида ёнғин юз берди. Ҳолат акс этган видеолар ижтимоий тармоқларда тарқалди.
ФВВ матбуот хизматининг хабар қилишича, 4 август куни соат 03:02 да “Боботоғ” МФЙда жойлашган уч қаватли савдо марказининг биринчи ва иккинчи қаватларида ёнғин содир бўлгани тўғрисида ФВБга хабар келиб тушган.
Шунга кўра ёнғин-қутқарув экипажлари соат 03:15 да воқеа жойига етиб борган. Ёнғин соат 05:10 да ўраб олиниб, соат 07:30 да ўчирилган.
Ёнғинни бартараф этишга 10 та ёнғин-қутқарув экипажи ва иккита сув ташувчи машина жалб этилган.
Ёнғиндан тан жароҳати олганлар тўғрисида маълумот келиб тушмаган.
Сурхондарё вилояти ҳокимлиги мазкур ҳолат юзасидан қўшимча маълумотлар тегишли мутасадди ташкилотлар томонидан тақдим этилишини билдирди.
Изоҳ (0)