«Барселона» ҳимоячиси Роналд Араухо Ла Лига доирасида «Сельта»га қарши кечган баҳсда (3:1) ҳушини йўқотиб, ўйинни охиригача давом эттира олмади.
Уругвайлик ҳимоячи иккинчи бўлимда жамоадоши Гави билан тўқнашиб кетган. Араухо тўқнашувдан кейин бир неча қадам босган, кейинроқ майдонга йиқилган ва ҳушини йўқотган. Шифокорларнинг тезкор ёрдамидан кейин уни тез ёрдам машинаси майдондан олиб чиқиб кетган.
Каталон клубининг баёнотига кўра, Араухода мия чайқалиши юз берган. У айни вақтда шифохонада бўлиб турибди.
Журналист Давид Бернабеу Ревертернинг хабар қилишича, Роналд ўзига келган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)