Ангрен шаҳри ҳокими Нуриддин Абдураҳимов 11 май тонгида вафот этди. Бу ҳақда шаҳар ҳокимлиги матбуот хизмати хабар берди.
Фото: Тошкент вилояти ҳокимлиги матбуот хизмати
Маълумот учун, Нуриддин Абдураҳимов 1978 йилда Пискент туманида туғилган. Мутахассислиги бўйича молиячи эди. 2022 йилнинг 31 январида Ангрен шаҳри ҳокими этиб тайинланганди. Унга қадар Президент администрациясининг масъул ходими сифатида фаолият юритиб келган.
Унинг ўлимига инфаркт сабаб бўлгани айтилмоқда. Тошкент вилояти ҳокимлиги хабарида эса ҳоким бетоблиги туфайли вафот этгани билдирилган.
Бундан олдин, Олмазор тумани ҳокими Абдумажид Муллажонов, Бўстон тумани ҳокими Садбархон Мамитова вафот этгани тўғрисида хабар берилганди.
