Самарқанд вилояти Каттақўрғон туманида эски томчилатиб суғориш ускуналарини ўрнатиб, кредит маблағини ўзлаштирган фермер хўжалиги раҳбари аниқланди, деб хабар беради Бош прокуратура ҳузуридаги департамент.
Маълум қилинишича, департаментнинг Каттақўрғон туман бўлими томонидан терговга қадар текширув ўтказилган. Текширув давомида «М.Б.» фермер хўжалиги раҳбари А.Х. тумандаги «Янгиҳаёт» массивидаги 40 гектар пахта ер майдонига томчилатиб суғориш технологияларини олиб келиб ўрнатиш учун банк муассасасидан 700 миллион сўм кредит ажратилишига эришгани аниқланган. У кредит маблағини ўзлаштириш мақсадида ер майдонининг 26 гектарига эски ва сифатсиз ускуналарни ўрнатиб, кейинчалик ускуналарни яна қайтариб олиб кетиб, кредит маблағини мақсадсиз ишлатгани аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Аввалроқ Хоразмда иссиқхона қуриш учун банкдан 2 млн доллар кредит ажратиб бериш эвазига 80 минг доллар олган шахслар ушлангани тўғрисида хабар берилганди.
Мавзуга доир:
- Сирдарёда ўзгалар номига 1,2 млрд сўм кредит расмийлаштирган собиқ банк ходимларига жиноят иши очилди
- Тошкент вилоятида 2,4 гектар ерни қарийб 1 млн долларга сотмоқчи бўлган шахслар қўлга тушди
- Қибрайда қишлоқ хўжалиги ерларида қурилиш ишларини амалга ошириб, 1,8 млрд сўм зарар етказган шахслар аниқланди
Изоҳ (0)