Angren shahri hokimi Nuriddin Abdurahimov 11-may tongida vafot etdi. Bu haqda shahar hokimligi matbuot xizmati xabar berdi.
Ma’lumot uchun, Nuriddin Abdurahimov 1978-yilda Piskent tumanida tug‘ilgan. Mutaxassisligi bo‘yicha moliyachi edi. 2022-yilning 31-yanvarida Angren shahri hokimi etib tayinlangandi. Unga qadar Prezident administratsiyasining mas’ul xodimi sifatida faoliyat yuritib kelgan.
Uning o‘limiga infarkt sabab bo‘lgani aytilmoqda. Toshkent viloyati hokimligi xabarida esa hokim betobligi tufayli vafot etgani bildirilgan.
Bundan oldin, Olmazor tumani hokimi Abdumajid Mullajonov, Bo‘ston tumani hokimi Sadbarxon Mamitova vafot etgani to‘g‘risida xabar berilgandi.
Izoh (0)