Тошкентнинг Сергели туманида МЧЖ раҳбари таъсисчининг мулкини талон-торож қилгани аниқланди. Бу ҳақда Бош прокуратура ҳузуридаги департамент хабар берди.
Департаментнинг Сергели туман бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда маълум бўлишича, «С.I.» МЧЖ собиқ раҳбари С.Р. ўзига ишониб топширилган 8 дона қурилиш материаллари ишлаб чиқарувчи ускуналарини МЧЖ таъсисчиси хориж фуқароси Т.нинг ўз юртига кетганидан фойдаланиб 22 минг долларга сотиб юборган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)