Фарғона вилояти Қува тумани судьяси ва Самарқанд шаҳар суди раиси лавозимидан озод этилди. Бу ҳақда Судьялар олий кенгаши хабар қилди.
Қайд этилишича, ёзма аризаларига биноан Фарғона вилояти жиноят ишлари бўйича Қува туман судининг судьяси Қудратбек Абдуллаев ва Самарқанд вилояти фуқаролик ишлари бўйича Самарқанд шаҳар судининг раиси Тўлқин Усмонов лавозимидан озод этилиб, ваколатлари муддатидан илгари тугатилган.
Шунингдек, масъулиятсизлиги ва йўл қўйган камчиликлари учун:
- Олий суд судьяси Б.Исраилов;
- Фарғона вилоят суди раисининг ўринбосари — иқтисодий ишлар бўйича судлов ҳайъати раиси А.Мадаминов;
- Андижон вилояти жиноят ишлари бўйича Пахтаобод туман судининг раиси Ш. Мирзакаримов;
- Навоий вилояти жиноят ишлари бўйича Қизилтепа туман судининг раиси А.Авезов;
- Қашқадарё вилояти фуқаролик ишлари бўйича Косон туманлараро судининг раиси Ш.Холиқов;
- Қашқадарё вилояти фуқаролик ишлари бўйича Яккабоғ туманлараро судининг судьяси Л.Абдуллаев;
- Хоразм вилояти фуқаролик ишлари бўйича Урганч туманлараро судининг судьяси Ғ.Матёқубов;
- Хоразм вилояти жиноят ишлари бўйича Урганч туман судининг судьяси Р.Бобожонов;
- Тошкент вилояти фуқаролик ишлари бўйича Ўртачирчиқ туманлараро судининг судьяси Ш.Холжигитов;
- Тошкент вилояти фуқаролик ишлри бўйича Янгийўл туманлараро судининг раиси: Ш.Хайдаров;
- Тошкент вилояти Нурафшон туманлараро маъмурий судининг судьяси М.Махмудов;
- Тошкент шаҳар жиноят ишлари бўйича Шайхонтоҳур туман судининг судьяси А.Йўлдашев интизомий жазога тортилган.
Аввалроқ Навоийда одил судловни амалга оширишда қонунийликни бузган судья ишдан олингани хабар қилинганди. Шунингдек, масъулиятсизликка йўл қўйган яна 8 нафар судья жазолангани, 4 нафар судьянинг ваколати муддатидан илгари тугатилгани ҳақида хабар берилган.
Изоҳ (0)