Қашқадарё вилоятининг Косон тумани ҳокими Асрол Бойқараев юқори лавозимдаги мансабдорга қўл кўтариши ортидан қамоққа олингани ҳақида хабар тарқалди. Ҳокимлик эса буни рад этди.
«Оммага ахборот етказаётган шахс ўз ахбороти тўғри экани учун ҳам масъуллигини унутмаслиги лозим. Шу ўринда эслатиб ўтамиз, Косон тумани ҳокими даволаниш учун таътилга чиққани ва айни пайтда туман ҳокими биринчи ўринбосари туман ҳокими вазифасини вақтинча бажариб тургани ҳақида хабар бергандик. Аммо бу ҳолатни нотўғри талқин қилиб, ёлғон хабарлар тарқатиш жавобгарликка сабаб бўлишини маълум қиламиз», — дейилади ҳокимликнинг расмий Telegram-каналида.
Ҳокимлик ахборот хизмати ўз обуначиларига туман ҳокими соғлиғини тиклаб, тез орада яна ўз лавозимига қайтишини таъкидлайди ва «тасдиқланмаган, ваҳима ва шов-шув учун тарқатилаётган ёлғон хабарларга ишонманг», дея ўз раддиясига якун ясайди.
Эслатиб ўтамиз, аввалроқ Қарши туманининг собиқ ҳокими Мақсуда Мустафоева қамоққа олингани, вилоят прокуратураси эса буни рад этгани ҳақида хабар берилганди.
Изоҳ (0)