Ўзбекистонда апрель ойида энг қиммат ва энг арзон палов қаерда тайёрлангани маълум қилинди

Давлат статистика қўмитаси Ўзбекистон вилоятлари марказий ҳудудлари кесимида 2022 йилнинг апрель ойида тайёр паловнинг ўртача нархларига оид маълумотларни эълон қилди.

Маълум қилинишича, энг қиммат палов Тошкент шаҳрида сотилган бўлиб, бир порцияси 25 500 сўм бўлган. Ундан кейинги ўринлардан Бухоро (21 300 сўм), Тошкент (21 000 сўмдан) вилоятлари жой олган. Энг арзон ош эса Наманган вилоятида — бир порцияси 15 000 сўмдан сотилган.

Бир порция ошнинг ўртача нархи қуйидагича:

• Қорақалпоғистон – 17 300 сўм;
• Андижон вилояти – 18 400 сўм;
• Бухоро вилояти – 21 300 сўм;
• Жиззах вилояти –19 000 сўм;
• Қашқадарё вилояти – 20 300 сўм;
• Навоий вилояти – 17 000 сўм;
• Наманган вилояти – 15 000 сўм;
• Самарқанд вилояти – 20 300 сўм;
• Сурхондарё вилояти – 19 600 сўм;
• Сирдарё вилояти – 17 300 сўм;
• Тошкент вилояти – 21 000 сўм;
• Фарғона вилояти – 17 800 сўм;
• Хоразм вилояти – 19 400 сўм;
• Тошкент шаҳри – 25 500 сўм.