Анжелина Жоли Львовга келди. Мариуполнинг сунъий йўлдошдан олинган тасвирлари чоп этилди. Урушнинг 66-кунидан фоторепортаж
30 апрель, урушнинг олтмиш олтинчи кунида Россиянинг «ТАСС» ва «РИА Новости» давлат ахборот агентликлари Россия армияси томонидан қамал қилинаётган Мариуполдаги «Азовсталь» заводи ҳудудини 25 нафар тинч аҳоли вакиллари тарк этгани ҳақида хабар берди. «Азовсталь»да мудофаани ушлаб турган «Азов» полкининг маълум қилишича, у ердан яна 20 нафар тинч аҳоли эвакуация қилинган. Шу куни Владимир Путин ДХР, ЛХР ва «Украинанинг озод қилинган ҳудудларида» яшовчи Иккинчи жаҳон уруши фахрийларига 10 минг рублдан бир марталик мукофот тўлаш тўғрисидаги фармонни имзолади. Киев вилояти полицияси Буча яқинида янги қабрлар ҳақида хабар берди. ОАВ Рим папаси Франциск Владимир Путиндан Мариуполдаги тинч аҳолини эвакуация қилиш учун гуманитар йўлак ташкил қилишни уч марта сўрагани ҳақида хабар қилди. Уч сафар ҳам бу рад этилган. Meduza 30 апрелга оид уруш суратларини жамлади.
Донбасс шимоли
Украина аскарлари Краматорск яқинидаги фронтда икки ойлик жанглардан сўнг дам олиш жойига йўл олди.Фото: AFP
Дам олиш жойига кетаётган украиналик аскар.Фото: AFP
Украина аскари ташландиқ бинода дам олиш вақтида.Фото: AFP
Украиналик ҳарбийлар икки ойлик жанглардан сўнг дам олишга келган ташландиқ уйда ухлаш учун ётоқ тайёрламоқда.Фото: AFP
Актриса Анжелина Жоли Львовдаги украиналик болалар билан, у бу ерга БМТнинг қочқинлар масалалари бўйича элчиси мақомида келган.Фото: EPA
Запароже
Запорожье аҳолиси гуманитар ёрдам олмоқда. Уруш бошидан буён Запорожьега Украина жанубидаги Россия армияси томонидан босиб олинган ҳудудлардан минглаб одамлар қочиб келган.Фото: EPA
Харьков
Харьков яқинидаги қишлоқда маҳаллий аҳоли вакили жасади. Бу қишлоқ яқинда Украина армияси томонидан озод этилган, аммо россияликлар уни бомбардимон қилишда давом этмоқда.Фото: AP Photo
Россиянинг бомбардимонлари пайтида бомба бошпанаси сифатида фойдаланилган ертўлага кириш. Харьков яқинидаги бу қишлоқ яқинда Украина қуролли кучлари томонидан қайтариб олинди.Фото: AP Photo
Чернигов
Чернигов четида яшовчи маҳаллий аҳоли вакили Россия босқини вақтида ўққа учраган бинода.Фото: Reuters
Черниговлик 77 яшар аёл. Ҳозир у шаҳар четидаги кўнгиллилар марказида яшайди ва ҳужумга учраган уйидан омон қолган нарсаларни олиш учун ҳар куни велосипедда уйига бориб келади.Фото: Reuters
Изоҳ (0)