Тарихда энг кўп даромад келтирган фильмлардан бири — Жеймс Кемероннинг илмий-фантастик «Аватар» фильми чиққанидан 13 йилга яқин вақт ўтди. Бу йиллар давомида режиссёр машаққатли ва сирли равишда афсонани давом эттириш билан шуғулланди ва ниҳоят, 2022 йил уни интизор бўлиб кутаётган томошабинларга тақдим этишга тайёр. Лойиҳанинг премьераси 2022 йил 14 декабрга режалаштирилган, деб ёзади Elle.
Продюсерлар ўзларининг дурдона асарини қанчалар сир тутмасин, бир неча кун аввал CinemaCon’да бўлиб ўтган «Аватар: Сув йўли» тизерининг премьерасидан сўнг Twitter’да бир нечта суратлар пайдо бўлди.
Суратлар картина ҳақида билвосита тасаввур беради. Нави халқини ҳимоя қилиш ҳақидаги ҳикоялар дунё океани фонида ривожланиши ушбу суратлардан олдин ҳам маълум эди. Жеймс Кемерон турли илмий гуруҳлар таркибида сув кенгликларини кўп марта тадқиқ қилгани бежиз эмас. Тез орада бўлиб ўтадиган фильм премьерасидан сўнг барча маълумотлар тақдим этилади.
Изоҳ (0)