Disney студияси «Чип ва Дейл ёрдамга шошмоқда» мультфильмининг янги кенгайтирилган трейлерини тақдим этди. Картина премьераси 20 май куни Disney+ стрим-сервиси орқали бўлиб ўтади, деб ёзади «Film.ru».
Фильм сюжетига кўра, машҳур мультсериал бекор қилинганидан кейин довюрак бурундиқлар — Чип ва Дейлнинг йўллари айро тушади: Чип суғурта агенти сифатида ишлашни бошлаган бўлса, Дейл машҳурлиги ҳамда янги имижидан фойдаланишга ўтади. Улар сирли равишда йўқолиб қолаётган анимацион қаҳрамонларни қутқариш мақсадида яна бирлашишга мажбур бўлади.
Трейлерда кўплаб машҳур мультфильмлар, жумладан, «Жимми Нейтрон», «Соҳибжамол ва махлуқ» ва «Питер Пен»га ҳаволалар бисёр. Чип ва Дейлга комедиантлар Жон Малейни ҳамда Энди Семберг овоз берган. Шунингдек, лентада Сет Роген, Ж.К.Симмонс ва Эрин Бан ҳам иштирок этган. Картина режиссёри — Акива Шффер.
Изоҳ (0)