«Ёмон йигитлар» мультфильми АҚШ прокати етакчисига айланди

«Ёмон йигитлар» анимацион комедияси Шимолий Америкада прокатга чиқиши билан 24 миллион доллар тўплади, деб хабар беради «Film.ru».

Бу каби кўрсаткич билан мультфильм «Фантастик махлуқлар»ни (14 миллион доллар) ортда қолдирган ва ҳафталик чартда биринчи ўринни эгаллаган.

DreamWorks студиясининг «Ёмон йигитлар» анимацион фильми тўғри йўлга кирган пахмоқ ўғрилар тўдаси ҳақида ҳикоя қилади. Оригинал фильмга Сем Рокуэлл, Аквафина ва бошқалар овоз берган. Россияда фильм 22 апрель куни катта экранларга чиқиши керак эди, бироқ Украинадаги махсус ҳарбий операция фонида у бекор қилинган.

Шу билан бирга, «Дамблдор сирлари» АҚШда жами 67 миллион доллар тўплай олган (дунё бўйлаб 280 миллион доллар) — бу Гарри Поттер ихлосмандлари учун энг ёмон кўрсаткич ҳисобланади. Прокатнинг иккинчи ҳафтасида уни «Соник 2 кинода» ортда қолдириб (15,2 миллион доллар), иккинчи ўринга чиқиб олган. Рейтингдаги бешликнинг охирги поғоналаридан Роберт Эггерснинг «Шимоллик» ва Николас Кейж иштирокидаги «Улкан иқтидорнинг чидаб бўлмас оғир юки» картиналари ўрин олган.