27 апрель куни ижтимоий тармоқларда Тошкент шаҳрида беш нафар бола ўғирлангани айтилган хабарлар тарқалди. Пойтахт ИИББ бунга муносабат билдириб, ушбу хабарлар ёлғон эканини маълум қилди.
«Тошкент шаҳрида бола ўғирлиги қайд этилмаганини маълум қиламиз. Ҳурматли фуқаролар ва шаҳримиз меҳмонлари! Ҳар қандай маълумотни тарқатишдан олдин расмий ташкилотлардан маълумот олишни тавсия этамиз. Унутманг, ёлғон хабар тарқатганлик учун жавобгарлик бор», — дея огоҳлантиради идора.
Таъкидланишича, ҳозирда бу каби ёлғон хабарларни тарқатаётган шахслар бўйича текширув ўтказилмоқда.
Эслатиб ўтамиз, 2021 йилнинг майида ижтимоий тармоқларда «Қорасарой» турар жой мажмуаси яқинида номаълум шахс автомобилига 5 ёшли болани ўтқизмоқчи бўлгани ҳақида овозли хабар тарқалганди. Кейинроқ Тошкент шаҳар ИИББ ушбу маълумотни текширган ва ёлғон хабар экани маълум бўлган эди.
Изоҳ (0)