Аҳоли мурожаатларига асосан Уй-жой фонди инспекцияси томонидан Тошкент шаҳридаги уй-жой мулкдорлари ширкатларининг фаолиятини ўрганиш ишлари давомида бир қатор қонун бузилиши ҳолатлари аниқланди. Бу ҳақда Уй-жой коммунал хизмат кўрсатиш вазирлиги хабар қилди.
Қайд этилишича, 32 та ширкат томонидан 28 та ҳолатда жами 3,5 миллиард сўм маблағ мақсадсиз сарфлангани ёки талон-тарож қилингани аниқланган. Хусусан:
- Мирзо Улуғбек туманида 409,9 миллион сўм:
- Юнусобод туманида 563,7 миллион сўм:
- Яшнобод туманида 625 миллион сўм:
- Сергели туманида 92,9 миллион сўм;
- Янги ҳаёт туманида 98 миллион сўм:
- Яккасарой туманида 377 миллион сўм:
- Олмазор туманида 245,2 миллион сўм:
- Чилонзор туманида 196,9 миллион сўм:
- Учтепа туманида 753,1 миллион сўм;
- Миробод туманида 15,2 миллион сўм;
- Бектемир туманида 176,6 миллион сўм мажбурий бадал маблағлари мақсадсиз ишлатилган ёки талон-торож қилинган.
Эслатиб ўтамиз, Ўзбекистонда 23 та уй-жой мулкдорлари ширкати томонидан 1,7 млрд сўм талон-торож қилинган.
Аввалроқ Сирдарёда ўзгалар номига 1,2 млрд сўм кредит расмийлаштирган собиқ банк ходимларига жиноят иши очилгани, Зангиотада 5,9 млрд сўм имтиёзли кредит маблағларини талон-торож қилган раҳбарлар аниқлангани, Тошкентда ўзи ишлайдиган корхонанинг 160 млн сўмдан ортиқ маблағини талон-торож қилган бош ҳисобчи ушлангани тўғрисида хабар берилганди.
Изоҳ (0)