Россиянинг Новосибирск шаҳрида вояга етмаган фарзанди билан қийин аҳволда қолган аёл ёрдам кўрсатилди, деб хабар беради Ўзбекистон Ташқи меҳнат миграцияси агентлиги.
Маълум қилинишича, фарзанди билан ёлғиз қолиб кетган фуқаро Ш.Г. Ташқи меҳнат миграцияси агентлигининг Новосибирск шаҳридаги ваколатхонаси ҳамда Ўзбекистон бош консулхонаси ҳамкорлигида 22 апрель куни ватанга қайтарилган.
Шунингдек, Санкт-Петербург шаҳрига ишлаш учун бориб, оғир юк кўтаргани сабаб соғлиги ёмонлашган фуқаро Қ.З.нинг ҳам ватанга қайтишига ёрдам кўрсатилган. Эркакнинг сўзларига кўра, у иш жойида оғир юк кўтарган ва операция бўлгани сабаб аҳволи ёмонлашган, ҳатто юришда ҳам муаммога дуч келган. Шифокорлар унга ўз ватанига қайтиб, даволанишни маслаҳат берган.
Бундан аввал Санкт-Петербург ва Владивостокда қийин аҳволга тушиб қолган ёш болали яна икки аёл Ўзбекистонга қайтарилганди.
Мавзуга доир:
Изоҳ (0)