Тошкентда бўлиб ўтган «Иннопром» кўргазмаси доирасида Ўзбекистон ва Россия ўртасида иккита йирик тиббий препаратлар ишлаб чиқаришни ташкил этиш бўйича ҳужжатлар имзоланди.
Россиянинг «Герофарм» Ўзбекистоннинг Zuma Pharma компанияси ва Ўзбекистон Соғлиқни сақлаш вазирлиги билан инсулин ишлаб чиқариш ва етказиб бериш лойиҳасини ишлаб чиқиш бўйича амалий чора-тадбирларни бошлаш тўғрисида меморандум имзолади.
Бундан ташқари, «Фармасинтез» компаниялар гуруҳи ва Ўзбекистон Фармацевтика саноатини ривожлантириш агентлиги ўртасида ҳамкорлик шартномаси имзоланди.
Битим республикада саратонга қарши дори воситалари ишлаб чиқарувчи фармацевтика корхонасини қуриш лойиҳасини амалга оширишда ҳамкорлик қилишни назарда тутади.
Аввалроқ дори воситаларининг клиник тадқиқотларини ривожлантириш маркази ташкил этилиши ҳақида хабар берилган эди.
Изоҳ (0)