Польша бош вазири Матьеуш Моравецкий давлатнинг Украинага қиймати 1,6 миллард доллардан зиёд ҳарбий кўмак кўрсатганини маълум қилди.
«Ушбу ускуналар Украина, Польша ва Европа суверенитетини сақлаб қолади»,— дейилади Польша ҳукуматининг матбуот котиби Петр Мюллернинг Twitter’даги саҳифасида.
Польша Украинага Россия махсус ҳарбий операцияларни бошлаган дастлабки кунларданоқ қурол-яроғ етказиб бермоқда. 26 февралда Украина президенти офиси раҳбарининг маслаҳатчиси Алексей Арестович мамлакатнинг Польшадан 100 дона миномёт, улар учун 1,5 мингта ўқ-дори, 8 та учувчисиз бошқариладиган қурилмалар жамланмалари, 10 минг дона Грот автоматлари келиши кутилаётганини билдирган.
Польшанинг Политйка журнали Варшаванинг Киевга бераётган ҳарбий ёрдами, яъни қурол-яроғлар асосан атомобилларда етказиб берилаётгани ва улар орасида оғир артиллерия воситалари йўқлигини ёзган. Шу сабабли асосан ўқотар қуроллар, кўчма зенит ракета комплекси, Javelin ва Stinger, ўқ-дорилар, броненимчалар ва тиббиёт ускуналари Украинага тақдим қилинаётганини таъкидланган.
Мавзуга доир:
- АҚШ Украина учун махсус ишлаб чиқарилган дронлар етказиб берилаётганини маълум қилди
- АҚШ, Буюк Британия ва Канада Украинага артиллерия юборишга ваъда берди. Германия эса қурол етказиб бериш учун ресурслари деярли тугаганини маълум қилди
- Эстония Украинага гаубица, танкка қарши ракета, мина ва дронлар партиясини етказиб берди
Изоҳ (0)