Европа давлатлари 6 ой давомида Россия газисиз ички талабни қондира олади. Бу ҳақда Халқаро валюта жамғармасининг (ХВЖ) Европа бўлими раҳбари Алфред Каммер айтиб ўтди.
Европа газ таъминотининг мумкин бўлган қисқаришига тайёрланиши, уни тежаш ва омборларни тўлдириши керак, — дейди ХВЖ Европа бўлими раҳбари.Маълум бўлишича, биринчи олти ойда Европа Россия газисиз муқобил манбалар ва мавжуд захираларидан фойдаланиш орқали талабни қондириши мумкин.
Агар Россия газидан воз кечиш узоқроқ давом этса, масалан, келаси қишгача, унда бундай қарор Европа иқтисодиётига жиддий таъсир кўрсатади, дея қўшимча қилди Каммер.
ХВЖ Россиядан газ етказиб беришнинг тўлиқ тўхтатилиши, келаси қиш қанчалик оғир бўлишига қараб, Европа Иттифоқи иқтисодида ялпи ички маҳсулот 3 фоизига пасайиши мумкинлигини тахмин қилмоқда.
22 апрель куни Нидерландия ҳукумати йил охиригача Россия газини истеъмол қилишни тўхтатишни режалаштираётганини маълум қилди. Расмийлар буни энергия тежаш, янада экологик тоза сиёсат ва турли мамлакатлардан сезиларли импорт ёрдамида амалга оширишни режалаштирмоқда.
Нидерландия йил охиригача ўз газидаги Россия улушини тўлиқ тугатиш ёки алмаштириш имкониятига эга бўлади, — дейилади ҳукуматнинг Reuters агентлигига берган баёнотида.Нидерландиянинг энергетика секторидаги газ улуши 44 фоиз, Россиянинг уни етказиб беришдаги улуши 15 фоизга яқин, дея ёзади агентлик ҳукумат маълумотларига таяниб.
Аввалроқ Франция президенти Эммануэль Макрон Франция Россия газига муҳтож эмаслигини маълум қилган эди.
Изоҳ (0)