Вена Россияга қарши газ эмбаргосининг жорий этилишини қўллаб-қувватламаяпти, чунки Австрия саноати сезиларли даражада Россия ёнилғисига боғлиқ, мамлакатнинг «бошқа танлови йўқ». Бу ҳақда Австрия молия вазири Магнус Бруннер CNN’га маълум қилди.
«Санкциялар мўлжалланган йўналишдан ортиқ нарсага зиён етказяптими, ўйлайманки, бундан фойда кам», — дейди Бруннер.
14 апрель куни Австрия канцлери Карл Нехаммер Венанинг позициясига Берлин ва Будапешт ҳам қўшилишини маълум қилганди. «Австрия газ эмбаргосига ёлғиз қарши чиқмаяпти», — деган у. Кейинроқ Нехаммер Австрия 80 фоиз Россия газига боғлиқлигини, у ҳам уй хўжаликлари, ҳам ишлаб чиқаришда кераклигини таъкидлаган. «Балки бир неча йилдан кейин Россия газидан мустақил бўлармиз, лекин бугун ёки эртага эмас», — дея қайд этганди канцлер.
22 апрель куни Германия канцлери Олаф Шольц ҳам газ эмбаргосига қарши шу каби далилларни келтирган. Унинг айтишича, ҳукумат Германияда «драматик иқтисодий инқироз юз бериши, миллионлаб иш ўринлари йўқолишига» йўл қўймасликка ҳаракат қилмоқда.
Венгрия ҳукумати раҳбари Виктор Орбан март бошларида Россия энергия ташувчиларига қарши санкциялар жорий этилиши Будапешт учун оғир дамларни юзага келтиришидан огоҳлантирган эди. Ўшанда у Венгриядаги оилаларнинг 90 фоизи ўз уйини катта қисми Россиядан харид қилувчи газ ёрдамида иситишини айтганди.
2021 йилда Европа Иттифоқи давлатлари Россиядан 155 миллиард куб метр газ сотиб олган — бу Европа газ импортининг 40 фоизини ташкил этади.
Аввалроқ Германия вице-канцлери Роберт Хабек Россия газига қўйилган эмбарго оқибатларидан огоҳлантиргани тўғрисида хабар берилганди.
Изоҳ (0)