Футбол бўйича Англия чемпионатининг 34-туридан ўрин олган бир қатор ўйинлар 24 апрель, якшанба куни бўлиб ўтди.
«Челси» ўз майдонида «Вест Ҳэм»ни қабул қилди. Учрашувнинг сўнгги дақиқаларида Кристиан Пулишич гол уриб, «аристократлар»га муҳим бўлган ғалабани тақдим этди.
Қайд этиб ўтиш жоиз, 87-дақиқада лондонликлар ярим ҳимоячиси Жоржиньо пенальтини ноаниқ амалга оширди.
Ушбу ғалабадан сўнг Томас Тухель шогирдлари очколари сонини 65 тага етказиб, 3-ўринни мустаҳкамлади ва энг яқин таъқибчиси «Арсенал» билан орадаги фарқни 5 очкога етказди. «Вест Ҳэм» эса 52 очко билан 7-поғонани банд этиб турибди.
АПЛ
34-тур баҳслари
24 апрель, якшанба
«Челси» – «Вест Ҳэм» 1:0
Гол: 1:0 — 90 Пулишич.«Челси»: Менди, Аспиликуэта, Тиаго Сильва, Чалоба, Алонсо, Лофтус-Чик (Зиэш, 76), Жоржиньо, Канте, Маунт, Ҳаверц (Лукаку, 76), Вернер (Пулишич, 76).
«Вест Ҳэм»: Фабианьски, Соуфал, Доусон, Крессуэлл, Жонсон, Масуаку, Ярмоленко (Боуэн, 73), Нобл (Райс, 62), Соучек, Форнальс, Бенраҳма (Лансини, 78).
Огоҳлантириш: Алонсо (82).
Четлатиш: Доусон (86).
Изоҳ (0)