«Манчестер Юнайтед» АПЛнинг 34-туридан ўрин олган баҳсда «Арсенал»га 1:3 ҳисобида имкониятни бой берди.
Манкунианликлар Премьер Лиганинг кетма-кет 4 та сафар баҳсида мағлубиятга учради. Ралф Рангник шогирдлари аввалроқ «Манчестер Сити» (1:4), «Эвертон» (0:1) ва «Ливерпуль»га (0:4) мағлуб бўлганди. Бу сўнгги 41 йил ичидаги энг ёмон натижа ҳисобланади.
«Қизил иблислар» бундан ҳам ёмонроқ натижани 1980 йил декабрь ойидан 1981 йил март ойига қадар бўлган даврда қайд этган. Ўшанда манчестерликлар кетма-кет 6 та сафардаги ўйинда мағлубиятга учраган.
Ралф Рангник жамоаси барча мусобақалардаги сўнгги 10 та ўйиннинг 5 тасида имкониятни бой берган. Қолган 5 ўйиннинг 3 тасида дуранг натижа қайд этилган бўлса, фақатгина иккитасида — «Тоттенҳэм» (3:2) ва «Норвич»га (3:2) қарши баҳсларда ғалаба қозонган.
«Манчестер Юнайтед»нинг кейинги рақиби «Челси». Жамоалар 28 апрель куни ўзаро баҳс олиб боради.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)