Тошкент шаҳар Юнусобод тумани Абдулла Қодирий кўчасидаги қурилиши тугалланмаган кўп қаватли уй кимошди савдосига қўйилди. Лот маълумотлари «E-auksion» порталида эълон қилинган.
Лот изоҳида ёзилишича, бинонинг фақатгина 1-қавати ва ертўла қисми аукционга қўйилган. Қурилиши тугалланмаган бино 9 қаватдан иборат.
Ер участкасининг умумий майдони 1,5 гектар. Бинонинг майдони — 1074 квадрат метр. Лот аукционга иқтисодий судлар ҳукми билан Шайхонтоҳур тумани МИБ томонидан қўйилган.
Аукционга қўйилган бино қисмларининг бошланғич баҳоси — 7,78 млрд сўм. Аризалар 16 май 09:00 га қадар қабул қилинади. Савдолар худди шу куни 10:00 да бошланади.
Аввалроқ Тошкентдаги ҳовли МИБ томонидан 5,2 млрд сўмга аукционга қўйилгани ҳақида хабар берилган эди.
Изоҳ (0)