Toshkent shahar Yunusobod tumani Abdulla Qodiriy ko‘chasidagi qurilishi tugallanmagan ko‘p qavatli uy kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot izohida yozilishicha, binoning faqatgina 1-qavati va yerto‘la qismi auksionga qo‘yilgan. Qurilishi tugallanmagan bino 9 qavatdan iborat.
Yer uchastkasining umumiy maydoni 1,5 gektar. Binoning maydoni — 1074 kvadrat metr. Lot auksionga iqtisodiy sudlar hukmi bilan Shayxontohur tumani MIB tomonidan qo‘yilgan.
Auksionga qo‘yilgan bino qismlarining boshlang‘ich bahosi — 7,78 mlrd so‘m. Arizalar 16-may 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkentdagi hovli MIB tomonidan 5,2 mlrd so‘mga auksionga qo‘yilgani haqida xabar berilgan edi.
Izoh (0)