Самарқанд шаҳридаги кучли ёмғир сабаб шаҳардаги 17-сонли мактаб биносини сув босгани хабар берилганди. Халқ таълими вазирлиги мазкур ҳолатга эътибор қаратиб, муаммо ҳал этилганини маълум қилди.
«Ҳақиқатан ҳам Самарқанд шаҳридаги 17-мактаб биноси олдидан ўтган канализация қувури кичиклик қилиб, сувни тортишга улгурмаган ва мактаб биносининг ҳовлисига сув кирган. Мазкур ҳолат ёмғир тиниши билан мутахассислар томонидан бартараф этилган. Шу ўринда айтиш мумкинки, бугунги кунгача бундай муаммо кузатилмаган», — дейилади вазирлик ахборотида.
Қўшимча қилинишича, муаммо вилоят Халқ таълими бошқармаси бошлиғи Шокир Султонов ва мутахассислар иштирокида муҳокама қилинган.
«Бошқарма бошлиғи бу каби муаммолар такрорланмаслиги юзасидан тавсияларини берди», — дейди вазирлик масъуллари.
Изоҳ (0)