Тошкент шаҳри Мирзо Улуғбек туманида 20 апрель куни BMW ағдарилиб кетди. Бу ҳақда шаҳар Ички ишлар бошқармаси хабар қилди.
Қайд этилишича, ҳолат шу куни соат 07:30 ларда Мирзо Улуғбек тумани Ниёзбек кўчасидаги International House Tashkent академик лицейи қаршисида содир бўлган. К.Ж. исмли ҳайдовчи (1994 йилда туғилган) BMW автомашинасини бошқариб кетаётган вақтида тезликни ошириб, рул бошқарувини йўқотган. Оқибатда машина йўл четидаги дарахтга урилиб, ағдарилиб кетган.
ЙТҲ оқибатида ҳайдовчи ва салон ичида бўлган бир нафар йўловчи олган тан жароҳатлари билан шифохонага мурожаат қилган.
Ҳолат юзасидан Тошкент шаҳар ИИББ ЙҲХБ томонидан суриштирув олиб борилмоқда.
Изоҳ (0)