Samarqand shahridagi kuchli yomg‘ir sabab shahardagi 17-sonli maktab binosini suv bosgani xabar berilgandi. Xalq ta’limi vazirligi mazkur holatga e’tibor qaratib, muammo hal etilganini ma’lum qildi.
“Haqiqatan ham Samarqand shahridagi 17-maktab binosi oldidan o‘tgan kanalizatsiya quvuri kichiklik qilib, suvni tortishga ulgurmagan va maktab binosining hovlisiga suv kirgan. Mazkur holat yomg‘ir tinishi bilan mutaxassislar tomonidan bartaraf etilgan. Shu o‘rinda aytish mumkinki, bugungi kungacha bunday muammo kuzatilmagan”, — deyiladi vazirlik axborotida.
Qo‘shimcha qilinishicha, muammo viloyat Xalq ta’limi boshqarmasi boshlig‘i Shokir Sultonov va mutaxassislar ishtirokida muhokama qilingan.
“Boshqarma boshlig‘i bu kabi muammolar takrorlanmasligi yuzasidan tavsiyalarini berdi”, — deydi vazirlik mas’ullari.
Izoh (0)