«Яндекс» Россияда ҳам, бошқа давлатларда ҳам ўз бизнесига режалаштирилган инвестицияларни қисқартирди ёки умуман тўхтатди. Бу ҳақда компаниянинг 2021 йил якунлари бўйича ҳисоботида айтилган (.pdf).
«Яндекс»нинг қайд этишича, гуруҳнинг бирорта компанияси ёки унинг раҳбарлари АҚШ, Европа Иттифоқи ёки Буюк Британия томонидан киритилган санкциялар нишонига олинмаган.
Аммо Россияда санкциялар, рублнинг қадрсизланиши ва салбий истеъмолчи кайфияти натижасида узоқ давом этган иқтисодий таназзул унинг молиявий аҳволи ва фаолияти натижаларига жиддий салбий таъсир кўрсатиши мумкин.
«Яндекс»нинг Ўзбекистонда бир нечта лойиҳалари бор
«Яндекс» Ўзбекистонга расман 2019 йилда Тошкентда таксига буюртма бериш хизматини ишга туширгандан сўнг келган.
Кейинги йилларда компания бу ерда яна бир қанча лойиҳаларни ишга туширди — «Хариталар», «Навигатор», «Панорамалар» ва бошқалар. Жами 30 га яқин хизмат мавжуд. Компания Ўзбекистонда 2020 йилдан бери солиқ тўлаб келади.
Аввалроқ Шерзод Шерматов Ўзбекистон нима учун чет эл IТ компанияларини таклиф қилишини тушунтиргани ҳақида хабар берилган эди.
Изоҳ (0)